ஊழலை ஒழிப்பது அவ்வளவு சிரமமா?ஊழலின் பிடியில் சிக்கித் தவிக்கும் நாடுகள் ... சிங்கப்பூர் சாதனை... இந்தியா எதிர்கொள்ளவிருக்கும் சவால்கள்!

ஊழல்: தேசத்தின் முதுகெலும்பை உடைக்கும் பெரும் குற்றம்!

ஒரு நாட்டின் உயர் பதவியில் இருப்பவர்களின் பொறுப்பற்ற செயல்.

எல்லையில் இருந்து நாட்டை பாதுகாக்க கூடிய ராணுவ வீரரின் கடமை என்னவோ அதேபோல் நாட்டின் செல்வங்களை சுரண்டாமல் இருப்பது ஒவ்வொரு அதிகாரியின் தலையாய கடமை.சுருக்கமாக சொன்னால் ஊழல் என்பது தன் பணிக்கு தானே கையூட்டு வாங்கக்கூடிய அவலம்!அரசாங்கம் ஏழைகளுக்காக ஒதுக்கும்

 நிதி தகுதியற்றவர்களின் கைக்கு செல்வது ஒட்டுமொத்த நாட்டுக்கே இழைக்கும் அநீதி.மேலும் ஊழலால் தகுதி உடையவர்கள் புறக்கணிக்கப்படும் போது அந்நாட்டின் மூளை வளர்ச்சி கேள்விக்கு உள்ளாகிறது!இன்று வளர்ந்து வரும் நாடுகள் கூட ஊழலை ஒழிக்க போராடி வருகிறது.

​​சர்வதேச நிறுவனங்களின் எச்சரிக்கை:

உலக வங்கி (World Bank) மற்றும் IMF போன்ற அமைப்புகள், ஊழல் அதிகமாக உள்ள நாடுகளுக்குக் கடன் வழங்கும்போது பல நிபந்தனைகளை விதிக்கின்றன. ஊழல் ஒரு நாட்டின் சர்வதேச மதிப்பை (Global Reputation) குறைப்பதுடன், அந்த நாட்டின் பொருளாதார வளர்ச்சியைப் பல ஆண்டுகள் பின்னோக்கித் தள்ளிவிடும்.

ஊழலை ஒழிப்பதில் "விசில்புளோயர்" (Whistleblower) பங்கு:

ஊழலை வெளிச்சத்திற்குக் கொண்டு வரும் நபர்களுக்குப் போதிய பாதுகாப்பு வழங்கப்பட வேண்டும். அரசுத் துறைகளில் நடக்கும் முறைகேடுகளைத் துணிச்சலாகத் தெரிவிக்கும் நபர்களைச் சட்டம் பாதுகாக்க வேண்டும். இதுவே நிர்வாகத்தைச் சீரமைக்க உதவும் முதல் படியாகும்.

• டிரான்ஸ்பரன்சி இன்டர்நேஷனல்டிரான்ஸ்பரன்சி இன்டர்நேஷனல் (ஊழல் எதிர்ப்புச் சர்வதேச அமைப்பு)

ஜெர்மனியின் பெர்லின் நகரைத் தலைமையிடமாகக் கொண்டு, ஊழலுக்கு எதிராக உலகளவில் செயல்படும் ஒரு தன்னார்வத் தொண்டு நிறுவனம் இது.

இதன் பணிகள் என்ன?

ஊழலைக் கண்காணித்தல்:

அரசாங்கங்கள் மற்றும் அரசியல் சார்ந்த கட்சிகள் மற்றும் பொது நிர்வாகத்தில் ஊழல் எந்த அளவு வேரூன்றி இருக்கிறது என்பதைத் தொடர்ந்து ஆய்வு செய்து வருகிறது.

விழிப்புணர்வை விதைத்தல்:

ஊழல் என்பது ஒரு தேச விரோத செயல்.இது நாட்டின் இறையாண்மை மற்றும் ஒழுக்கத்தை குறைக்கும்.அது சாதாரண மக்களின் அடிப்படை வாழ்க்கையில் எவ்வளவு தாக்கத்தை ஏற்படுத்துகிறது என்பதை உலக நாடுகளுக்கு எடுத்துரைக்கிறது.

கொள்கை மாற்றம்:

ஊழலை தடுப்பதற்கான சட்டங்களை இயக்கவும்,நிர்வாகத்தில் வெளிப்படைத் தன்மையை கொண்டு வரவும் நாடுகளுக்கு அழுத்தம் கொடுக்கிறது.

இவர்களின் முக்கிய வெளியீடு:

இந்த அமைப்பின் மிகவும் புகழ்பெற்ற வெளியீடு ஊழல் மலிவு குறியீடு (Corruption Perceptions Index - CPI) ஆகும். அதாவது சுருக்கமாகச் சொன்னால் குறைவான ஊழல் கொண்ட நாடுகளுக்கு அதிக மதிப்பெண்களை இக்குறியீடு வழங்குகிறது"

உலக அரங்கில் ஊழல் நிலவரம்: சிங்கப்பூர் vs இந்தியா

டிரான்ஸ்பரன்சி இன்டர்நேஷனல் (Transparency International) வெளியிட்ட 2025-ஆம் ஆண்டிற்கான ஊழல் மலிவு குறியீடு (CPI) அடிப்படையில் இரு நாடுகளின் நிலையை நாம்

 ஒப்பிட்டுப் பார்க்க வேண்டும்.

சிங்கப்பூர் -நேர்மையின் இமயம்:

ஆசியாவிலேயே ஊழல் மிகக் குறைந்த நாடுகளில் சிங்கப்பூர் முதலிடம் வகிக்கிறது.உலக அளவில் 84 மதிப்பெண்கள் பெற்று மூன்றாவது இடத்தை பிடித்துள்ளது.

அதற்குக் காரணமாக நான் பார்ப்பது அன்புள்ள கடுமையான ஊழல் எதிர்ப்பு சட்டங்கள்தான்.

இந்தியா முன்னேற வேண்டிய தூரம்;

இது கடந்த ஆண்டை ஒப்பிடும் பொழுது ஒரு படி முன்னேறி உள்ளது.

அதை பெருமையாக எடுத்துக் கொள்வதை விட ஊழல் கறைகள் ஆழமாக இந்தியாவில் படிந்துள்ளது.

அதாவது கடந்த ஆண்டு 96 வது இடத்தில் இருந்த இந்தியா தற்சமயம் 39 மதிப்பெண் பெற்று 91 வது இடத்திற்கு முன்னேறி உள்ளது.மேலும் சராசரி மதிப்பெண் 42 கூட எடுக்க முடியாமல் இந்தியா தோற்று உள்ளது மன வருத்தத்தை அளிக்கிறது.

ஊழலை தடுக்க கட்டாயம் எடுக்கப்பட வேண்டிய நடவடிக்கை

மிகச் சுருக்கமாகச் சொன்னால் ஊழலை ஒழிக்க இந்த மூன்று மாற்றங்கள் மட்டும் போதும்.

நேரடித் தொடர்பு தவிர்த்தல் (Faceless System)

மக்கள் அரசு அலுவலகங்களுக்கு நேரில் செல்லத் தேவையில்லாமல், அனைத்து சேவைகளும் ஆன்லைன் வழியாக மட்டுமே கிடைக்க வேண்டும்.அதிகாரிகளின் தலையீடு குறைந்தால் லஞ்சமும் குறையும்.

பணப்பரிமாற்ற டிஜிட்டல் மயம்: 

லஞ்சமாகத் தரப்படும் 'ரொக்கப் பணத்தை' ஒழித்து, அரசின் அனைத்து நிதி ஒதுக்கீடுகளும், செலவுகளும் டிஜிட்டல் முறையில் (டிஜிட்டல் டிராக்கிங்) வெளிப்படையாக இருக்க வேண்டும். 

உடனடித் தண்டனை:

ஊழல் வழக்குகளுக்கு எனத் தனி நீதிமன்றங்கள் அமைத்து, மிகக் குறுகிய காலத்தில் (உதாரணமாக 6 மாதங்கள்) தண்டனை பெற்றுத் தருவது உறுதி செய்ய வேண்டும். 

சுருக்கமான தாரக மந்திரம்: 

 லஞ்சம் வாங்குவதற்கான வாய்ப்பை தொழில்நுட்பம் மூலம் அடைப்பது, லஞ்சம் வாங்குவதற்கான பயத்தை சட்டம் மூலம் உருவாக்குவது தான் தீர்வு.

" கையூட்டு வாங்குவதும் குற்றம் கொடுப்பதும் குற்றம்!"  என்ற வாசகத்தை ஒவ்வொரு தனிமனிதனும் பின்பற்ற வேண்டும்.

இதற்கு அரசு அதிகாரிகள் மற்றும் பொதுமக்கள் என இரு தரப்பினரும் கைகோர்த்துச் செயல்பட்டால் மட்டுமே, ஊழல் என்ற கறையைத் துடைத்து நமது நாட்டையும் பட்டியலின் முதல் இடங்களுக்குக் கொண்டு செல்ல முடியும்.

நான் இந்தியன் என்பதில் பெருமை கொள்கிறேன் இருப்பினும் இது போல் சில சமூக சீர்கேட்டினால் என் பெருமைக்கு களங்கம் ஏற்படுகிறது என்பதை நினைத்து வருந்துகிறேன்!

முடிவுரை: வல்லரசு இந்தியா என்பது வெறும் பொருளாதார வளர்ச்சியில் மட்டுமல்ல, நேர்மையான நிர்வாகத்திலும் இருக்க வேண்டும். ஒரு நேர்மையான சமுதாயமே ஒரு நாட்டின் உண்மையான பலமாகும்.

வாசகர் களம்:

ஒரு சாமானிய மனிதனாக ஊழலை ஒழிக்க உங்களால் செய்ய முடிந்த முதல் மாற்றம் என்ன?