உலகை மாற்றிய கருப்புத் தங்கம்: கச்சா எண்ணெயின் அரசியல் வரலாறு.

 

    Image sourced by Wikipedia commons.               The White House, Washington, D.C.

 அமெரிக்காவின் தலைநகரான வாஷிங்டன் டி.சி.யில் தற்பொழுது நிலவி வரும் சட்ட ஒழுங்கு சீர்கேடு (Law and Order Breakdown) மற்றும் குற்றங்களைக் கட்டுப்படுத்த, அமெரிக்க அதிபர் டொனால்ட் டிரம்ப் அந்நாட்டின் தேசிய காவற்படையை (National Guard) நிலைநிறுத்த உத்தரவிட்டுள்ளார்.

   மேலும், தலைநகரின் உள்ளூர் காவல்துறையான ‘மெட்ரோபாலிட்டன் காவல் துறை’யை (MPD) நேரடியாகத் தனது கூட்டாட்சிக் கட்டுப்பாட்டின் கீழ் கொண்டுவந்துள்ளார். அதிபரின் இந்த அதிரடி நடவடிக்கை, தற்பொழுது ஒட்டுமொத்த வாஷிங்டன் அரசியல் களத்திலேயே பேரலையைக் கிளப்பியுள்ளது.

A.   வாக்களித்து வெற்றி பெறச் செய்த மேயருக்கு என்ன அதிகாரம்? (Home Rule - உள்ளாட்சி அதிகாரம்)

​சரியாக 1973-இல் கொண்டுவரப்பட்ட 'ஹோம் ரூல் சட்டம்' (D.C. Home Rule Act) விதிமுறையின்படி, தங்களுக்கான மேயர் மற்றும் நகர மன்ற உறுப்பினர்களை நேரடித் தேர்தல் மூலம் தேர்வு செய்யும் அதிகாரம் வாஷிங்டன் மக்களுக்கு வழங்கப்பட்டது.

​ஆனால், இதுவரை மேயரின் கட்டுப்பாட்டில் இருந்த உள்ளூர் காவல்துறை, தற்போது அதிபர் டிரம்ப் பிறப்பித்துள்ள அதிரடி உத்தரவால் மத்திய அரசின் நேரடிக் கட்டுப்பாட்டுக்கு மாற்றப்பட்டிருப்பது, வாஷிங்டன் வாழ் மக்களிடையே பெரும் அதிர்வலைகளை ஏற்படுத்தியுள்ளது.

​“எங்கள் வரிக்கு மதிப்பு உண்டு; ஆனால் நாங்கள் போடும் ஓட்டுக்கு மதிப்பில்லையா?” என்ற கேள்வியோடு, இது கூட்டாட்சித் தத்துவத்தின் கழுத்தை நெரிக்கும் செயல் என்றும் பலரும் கடுமையாக விமர்சித்து வருகின்றனர்.

​B. "நாங்கள் என்ன போர்க்களத்திலா இருக்கிறோம்?" 

        தெருக்களில் துப்பாக்கி போன்ற ஆயுதங்களோடு தேசிய காவற்படை (National Guard) வீரர்கள் ரோந்து பணியில் ஈடுபடுவது மக்களிடையே பாதுகாப்பற்ற சூழலை ஏற்படுத்துகிறது.

C.   மாநில உரிமைகளில் தலையீடு (Federalism - கூட்டாட்சி தத்துவம்)

     அமெரிக்க அரசியலமைப்பின் முதன்மைத் தூணே 'கூட்டாட்சி தத்துவம்' (Federalism) தான்.

 கூட்டாட்சி தத்துவத்தின்படி ஒரு மாநிலத்தின் சட்ட ஒழுங்கை பராமரிப்பது அந்தந்த உள்ளாட்சி நிர்வாகங்களின் தனிப்பட்ட உரிமை.

அதில் அதிபர் நேரடியாகத் தலையிட்டு அதிகாரத்தை தன் கைக்கு எடுப்பது,

"நாளை எந்த மாநிலத்திலும் குற்றங்களை சாக்குவைத்து மத்திய அரசு தன் அதிகாரத்தை திணிக்கும்" என்ற அச்சத்தை ஏற்படுத்தியுள்ளது.

         

D.   நடவடிக்கையின் பின்னணியும் அரசாங்கத்தின் வாதமும்:

      அதிபர் தரப்பில் வெளியிடப்பட்ட அவசர உத்தரவில், வாஷிங்டன் டி.சி.யில் வன்முறை மற்றும் குற்றச் சம்பவங்கள் அதிகரித்துவிட்டது. மேலும் கூட்டாட்சி சொத்துக்கள், தேசிய நினைவிடங்கள் மற்றும் அரசுப் பணியாளர்களின் பாதுகாப்பை உறுதி செய்யவே இத்தகைய தீவிர நடவடிக்கை அவசியம் என்றும் சுட்டிக்காட்டப்பட்டுள்ளது குறிப்பிடத்தக்கது.

   

1.  ராணுவப் படைகளின் பங்களிப்பு: 

தற்பொழுது 800-க்கும் மேற்பட்ட தேசியக் காவல் படை வீரர்கள் நகரின் முக்கிய வீதிகளில் ரோந்துப் பணிகளில் தொடர்ந்து ஈடுபடுத்தப்பட்டுள்ளனர்.

2.  கூடுதல் ரோந்து மற்றும் சோதனைகள்:

         சந்தேகத்திற்குரிய வாகனங்களைச் சோதனையிடுவது, உள்ளூர் காவல்துறைக்கு உதவியாகச் செயல்படுவது மற்றும் வீடற்றவர்களின் முகாம்களை அகற்றுவது போன்றவை இவர்களது முக்கியப் பணியாக வரையறுக்கப்பட்டுள்ளன.

3.மனித உரிமைகள் கண்காணிப்பகம் காட்டம்:

           வீடற்ற மக்களின் வாழ்வாதாரப் பிரச்சினைகளுக்குச் சரியான மறுவாழ்வுத் திட்டங்களை வழங்காமல், காவல்துறையையும் தேசிய காவற்படையையும் வைத்து அவர்களை வலுக்கட்டாயமாக வெளியேற்றுவது மனிதநேயமற்ற செயல் என மனித உரிமை ஆர்வலர்கள் சாடியுள்ளனர்

E.    குற்றப் புள்ளிவிவரங்கள்: உண்மையா? அரசியலா?

       ​வாஷிங்டனில் குற்றங்கள் அதிகரித்துவிட்டதாக அதிபர் நிர்வாகம் கூறினாலும், கடந்த இரு ஆண்டுகளில் வன்முறைக் குற்றங்கள் 30%-க்கும் மேல் குறைந்துள்ளதாகவே அரசுத் துறை கணக்குகள் காட்டுகின்றன. இதனால், உண்மையான குற்றங்கள் குறைந்துள்ள நிலையில் பொய்யான காரணத்தைச் சொல்லி தலைநகரில் ராணுவத்தைக் களமிறக்க அதிபர் முயல்வதாக எதிர்க்கட்சியினர் சாடுகின்றனர்.

F.  பொதுமக்களின் இயல்பு வாழ்க்கை பாதிப்பு:

நகர வீதிகளில் சோதனைச் சாவடிகள் அமைக்கப்பட்டதும், பொதுமக்கள் தடுத்து நிறுத்தப்பட்டு விசாரிக்கப்பட்டதும் உள்ளூர் மக்களிடையே அதிருப்தியை ஏற்படுத்தியுள்ளது

முடிவுரை: ஜனநாயகமா? அதிகார அத்துமீறலா?

​வாஷிங்டனில் ராணுவக் காவலும், உள்ளாட்சி அதிகாரப் பறிப்பும் வெறும் சட்ட ஒழுங்கு சார்ந்த நடவடிக்கை மட்டுமல்ல; அது அமெரிக்க ஜனநாயகத்தின் எதிர்காலம் குறித்த அச்சத்தையும் ஏற்படுத்தியுள்ளது. குற்றங்களைக் கட்டுப்படுத்துவது அரசின் கடமைதான் என்றாலும், அதற்கு மக்களால் தேர்ந்தெடுக்கப்பட்ட அமைப்புகளை முடக்குவதும் தெருக்களில் ராணுவத்தை இறக்குவதும் தீர்வாகுமா என்ற கேள்வி எழுந்துள்ளது. சுருக்கமாகச் சொன்னால், இது அமெரிக்கா உலகிற்குப் போதித்து வந்த ஜனநாயகத் தத்துவத்திற்கும், அதிபரின் அதிகாரப் போக்குக்கும் இடையே நடக்கும் மிகப்பெரிய பலப்பரீட்சை!

​வாசகர் களம்:   தலைநகரின் பாதுகாப்பிற்காக அதிபர் டிரம்ப் எடுத்த இந்த அதிரடி நடவடிக்கை சரியா? அல்லது இது மக்களாட்சி உரிமையைப் பறிக்கும் அதிகார அத்துமீறலா? உங்கள் கருத்து என்ன? கீழே கமெண்ட்டில் சொல்லுங்கள்!