உலகை மாற்றிய கருப்புத் தங்கம்: கச்சா எண்ணெயின் அரசியல் வரலாறு.

  

(Image sourced by Wikipedia commons ) உலக பரப்பளவில் 20%-25% கச்சா எண்ணெய் வர்த்தகம் (கிட்டத்தட்ட கால் பங்கு) ஒரு சிறு நீர்நிலை வழியாகத்தான்  கடக்கிறது என்றால் உங்களால் நம்ப முடிகிறதா? ஆம், அதுதான் ஓமன் மற்றும் ஈரான் நாடுகளுக்குச் சொந்தமான 'ஹார்முஸ் ஜலசந்தி' நீர்முனை ஆகும். இந்த நீர்முனை உலகப் பொருளாதாரத்தின் உயிர்நாடியாக கருதப்படுகிறது. தற்போது இந்த நீர் முனையில் நிகழும் பதட்டமான சூழலை இந்த கட்டுரை விவரிக்கிறது.

A.     20% கட்டணம் ரத்து: ஈரான் மீது முழு கடல்வழி முற்றுகையை அறிவித்தார் டொனால்ட் டிரம்ப்!

அமெரிக்க அதிபர் டொனால்ட் டிரம்ப் தனது அதிகாரப்பூர்வ 'டிரூத் சோசியல்' பக்கத்தில் மத்திய கிழக்கு நாடுகள் மற்றும் ஈரான் விவகாரம் தொடர்பாக மிக முக்கியமான அதிரடி அறிவிப்பு ஒன்றை வெளியிட்டுள்ளார்.

"அமெரிக்க ராணுவத்தின் பலத்தால் எண்ணெய் வர்த்தகம் தடையின்றி நடக்கிறது. ஈரான் துறைமுகங்களுக்கு வரும் மற்றும் செல்லும் அனைத்துக் கப்பல்களுக்கும் முழுமையான கடல்வழி முற்றுகை (Full Blockade) விதிக்கப்படுகிறது. மேலும் வணிக கப்பல்கள் மீதான 20% பாதுகாப்பு கட்டணம் ரத்து செய்யப்படுகிறது அதற்குப் பதிலாக, அவர்கள் அமெரிக்காவில் பிரம்மாண்ட முதலீடுகளைச் செய்யவுள்ளனர் .இதன் மூலம் அமெரிக்காவில் லட்சக்கணக்கான வேலைவாய்ப்புகள்

 உருவாகும். ஈரான் ஒருபோதும் அணு ஆயுதத்தை உருவாக்க முடியாது"

என அவர் தனது அதிகாரப்பூர்வ  'டிரூத் சோசியல்' பக்கத்தில் பதிவிட்டுள்ளார்.

B.ஈரானின் பதிலடி என்னவாக இருக்கும்?

      டிரம்ப் எச்சரித்த சில மணி நேரங்களிலேயே ஈரான் தனது ராணுவப் பதிலடியைத் தொடங்கியுள்ளது.

1.ராணுவப் பதிலடி:

அமெரிக்காவின் முற்றுகைக்குப் பதிலடியாக ஈரான் தனது வழக்கமான நேரடிப் போரைத் தவிர்த்து, ஏவுகணைகள் மற்றும் ட்ரோன்கள் (Drones) மூலமாகப் பிராந்தியத்தில் உள்ள அமெரிக்க தளங்களைக் குறிவைக்கத் தொடங்கியுள்ளது:

A.அமெரிக்க 5-வது கடற்படை மீது தாக்குதல்:

     பஹ்ரைனில் உள்ள அமெரிக்காவின் 5-வது கடற்படையின் (US Fifth Fleet) கட்டளை மையம், தளவாடங்கள் மற்றும் எரிபொருள் சேமிப்புக் கிடங்குகளைக் குறிவைத்து ஈரானின் புரட்சிகர காவல் படை (IRGC) ஏவுகணைத் தாக்குதல்களை நடத்தியுள்ளது.

     B.அண்டை நாடுகள் மீது தாக்குதல்: 

       அமெரிக்காவிற்கு ஆதரவளிக்கும் மற்றும் அமெரிக்கப் படைகள் தங்கியிருக்கும் குவைத், ஜோர்டான் போன்ற நாடுகளை நோக்கியும் ஈரான் தனது ஏவுகணைகளை ஏவியுள்ளது.

C.பணிய மறுக்கும் தலைமை:              

       உள்நாட்டுப் பொருளாதார நெருக்கடிகள் இருந்தாலும், அமெரிக்காவின் ராணுவ மிரட்டல்களுக்குப் பணிந்து புதிய அணுஆயுதக் கட்டுப்பாட்டு ஒப்பந்தங்களை ஏற்கப் போவதில்லை என்பதில் ஈரான் பிடிவாதமாக உள்ளது.

D.எண்ணெய் வர்த்தக அச்சுறுத்தல்:          தங்களின் எண்ணெய் ஏற்றுமதி முடக்கப்பட்டால், ஹார்முஸ் நீரிணை வழியாகச் செல்லும் மற்ற வளைகுடா நாடுகளின் எண்ணெய் கப்பல் போக்குவரத்தையும் முழுமையாக ஸ்தம்பிக்க வைப்போம் என ஈரான் எச்சரித்துள்ளது.

C. உலகப் பொருளாதாரத்தில் ஏற்படும் பாதிப்புகள்:

      உலக கச்சா எண்ணெய் விநியோகத்தில் ஐந்தில் ஒரு பங்கு செல்லும் இந்த நீர்முனையில் பதற்றம் அதிகரித்துள்ளதால், சர்வதேச சந்தையில் கச்சா எண்ணெயின் விலை (Crude Oil Price) ராக்கெட் வேகத்தில் உயரத் தொடங்கியுள்ளது.

1.கப்பல் போக்குவரத்து முடக்கம்: போர் பயம் காரணமாக ஹார்முஸ் ஜலசந்தி வழியாகச் செல்லும் வணிகக் கப்பல்களின் எண்ணிக்கை பாதியாகக் குறைந்துள்ளது. இதனால் காப்பீட்டுக் கட்டணங்கள் உயர்ந்து, உலகளாவிய பணவீக்கம் அதிகரிக்கும் அபாயம் ஏற்பட்டுள்ளது.

முடிவுரை:

டிரம்பின் பொருளாதார மற்றும் ராணுவ முற்றுகை ஒருபுறம், ஈரானின் ஏவுகணைப் பதிலடிகள் மறுபுறம் என ஹார்முஸ் நீரிணை தற்போது ஒரு உலகப்போர் வெடிக்கும் முனையாக மாறியுள்ளது. இந்த இரு நாடுகளின் மோதல் வளைகுடாப் பகுதியைத் தாண்டி, ஒட்டுமொத்த உலகப் பொருளாதாரத்தின் உயிர்நாடியையும் ஸ்தம்பிக்க வைக்கும் வல்லமை கொண்டது என்பதை மறுப்பதற்கில்லை.