மோசமான நிலையில் தள்ளப்பட்ட இந்திய பங்குச்சந்தை. முதலீட்டாளர்களின் நகர்வு என்ன?
1.முக்கிய குறியீடுகளின் தற்போதைய நிலை:
இன்று காலை வர்த்தகத் தொடக்கத்தில் சென்செக்ஸ் மற்றும் நிஃப்டி ஆகிய இரண்டுமே சரிவை நோக்கி நகர்ந்தன.
#. BSE Sensex:சுமார் 500 புள்ளிகளுக்கு மேல் சரிந்து, 79,489 என்ற அளவில் வர்த்தகமாகிறது.
#. NSE Nifty 50: சுமார் 150 புள்ளிகள் வரை சரிந்து, 24,610 என்ற நிலைக்குக் கீழ் சென்றது.
2.சந்தை சரிவுக்கு முக்கிய காரணிகள்:
#. மத்திய கிழக்கு பதற்றம் : ஈரான், இஸ்ரேல் மற்றும் அமெரிக்கா இடையிலான மோதல் தற்சமயம் தீவிரமடைந்துள்ளது .இது உலகளாவிய முதலீட்டாளர்களின் கவனத்தை மாற்றி
பாதுகாப்பான முதலீடுகளை நோக்கி
நகரச் செய்கிறது.
#.கச்சா எண்ணெய் விலை உயர்வு:
போர் பதற்றத்தால் கச்சா எண்ணெய் விலை அதிகரித்துள்ளது.இதன் விலை ஏற்ற விகிதத்தை ஒப்பிட்டு பார்க்கும் பொழுது கடந்த 20 மாதங்களில் இல்லாத உயர்வை எட்டியுள்ளது.
இது இந்தியாவின் பணவீக்கம் மற்றும் நிதிப் பற்றாக்குறையை அதிகரிக்கும் என்ற அச்சத்தை முதலீட்டாளர்களிடையே
ஏற்படுத்தி உள்ளது.
#.ரூபாய் மதிப்பு வீழ்ச்சி:
கச்சா எண்ணெயின் விலை ஏற்றம் மற்றும் அமெரிக்க டாலரின் வலிமை
காரணமாக, இந்திய ரூபாய் மதிப்பு இன்று அமெரிக்க டாலருக்கு எதிராக
டாலர் ஒன்றுக்கு ₹92.30காசுகள்
என்ற வரலாற்றுச் சரிவை எட்டியுள்ளது.
#.வெளிநாட்டு முதலீட்டாளர்கள் (FII) வெளியேற்றம்:
கடந்த சில நாட்களாகவே வெளிநாட்டு நிறுவன முதலீட்டாளர்கள் இந்திய சந்தையில் இருந்து தொடர்ந்து பங்குகளை விற்று வருகின்றனர்.
3. துறைவாரியான செயல்பாடு:
இன்றைய வர்த்தகத்தில் பெரும்பாலான துறைகள் நஷ்டத்தைச் சந்தித்துள்ளன.
#.வங்கி மற்றும் நிதிச் சார்ந்த சேவைகள்:
HDFC Bank, ICICI Bank போன்ற முன்னணி வங்கிகளின் பங்குகள் தற்பொழுது சரிவை நோக்கி நகர்ந்துள்ளன.
#.ரியல் எஸ்டேட்:
நிஃப்டி ரியல் எஸ்டேட் குறியீடு சுமார் 1.7% என்ற விகிதத்தில் சரிவை நோக்கி நகர்ந்துள்ளது.
#.தனிச்சிறப்பு பெற்ற பங்குகள்:
நிலவி வரும் இக்கட்டான சூழலிலும்
Reliance Industries, NTPC, Adani Ports மற்றும் Bharti Airtel போன்ற பங்குகள்
ஓரளவிற்கு முதலீட்டாளர்களுக்கு சாதகமாக உள்ளது.
3.முதலீட்டாளர்களுக்கான குறிப்பு:
உலக அளவில் தற்போது நிலவி வரும் போர் பதற்றம் நிரந்தரம் அல்ல!
இந்த இக்கட்டான சூழலில் அவசரப்பட்டு முடிவெடுக்காமல் நிதானமாகச் செயல்படுவது மிகவும் அவசியம்.சந்தையின் போக்கை நிர்ணயிப்பதில் உலகளாவிய அரசியல் நகர்வுகள் மற்றும் கச்சா எண்ணெய் விலையே முக்கியப் பங்கு வகிக்கும் என நிபுணர்கள் கருதுகின்றனர்.
முடிவுரை
இந்தியப் பங்குச்சந்தையின் தற்போதைய ஏற்ற இறக்கங்கள் என்பது தற்காலிகமான உலகளாவிய அரசியல் சூழல்களால் உருவானவை. கச்சா எண்ணெய் விலை உயர்வு மற்றும் அந்நிய முதலீட்டாளர்களின் வெளியேற்றம் போன்ற சவால்கள் இருந்தாலும், இந்தியாவின் வலுவான உள்நாட்டுப் பொருளாதாரம் மற்றும் நிறுவனங்களின் நிலையான வளர்ச்சி ஆகியவை நீண்ட கால அடிப்படையில் முதலீட்டாளர்களுக்கு நம்பிக்கையளிக்கின்றன.
கருத்துகள்
கருத்துரையிடுக