விஸ்வரூபம் எடுக்கும் இந்தியா: பிரதமர் மோடியின் 2026 உலகளாவிய ராஜதந்திரம்.
"படம் உதவி: விக்கிமீடியா காமன்ஸ் (Wikimedia Commons)"
மேலும் பாதுகாப்பு, பசுமை எரிசக்தி, மற்றும் வர்த்தக ஒப்பந்தங்கள்,
ஆகியவற்றில் இந்தியா அடைந்துள்ள முன்னேற்றம் உலக அரங்கில் பாரதத்தின் பிம்பத்தை பிரதிபலிக்கிறது.
மேற்கத்திய நாடுகளுடனான புதிய பாதுகாப்பு ஒப்பந்தம் மற்றும் வர்த்தகப் பிணைப்பு:
பிப்ரவரி 18, 2026 அன்று டெல்லியில் நடைபெற்ற டெல்லியில் நடைபெற்ற சந்திப்புகளில் ஐரோப்பிய நாடுகளுடனான உறவு புதிய உச்சத்தை எட்டியுள்ளது.
ஸ்பெயின் (Spain):
ஸ்பெயின் அதிபர் பெட்ரோ சான்செஸ்
உடனான சந்திப்பில் 'மேக் இன் இந்தியா' திட்டத்தின் கீழ் சி-295 (C-295)
போக்குவரத்து விமானங்களைத் தயாரிக்கும் ஆலைகளின் விரிவாக்கம் குறித்து ஆலோசிக்கப்பட்டது. ஸ்பெயினின் ஏர்பஸ் (Airbus)நிறுவனத்துடன் இணைந்து இந்தியா C-295 விமானங்களைத் தயாரிப்பது குறிப்பிடத்தக்கது.இதன் மூலம் யுத்த காலம் மற்றும் எல்லை பதட்டங்கள் போது ஆயிரக்கணக்கான வீரர்களையும், கனரக ஆயுதங்களையும் மிகக் குறுகிய காலத்தில் ஒரு இடத்திலிருந்து மற்றொரு இடத்திற்கு
சுலபமாக அழைத்துச் செல்ல முடியும்.
இது இந்தியாவின் பாதுகாப்புத் துறை
ஏற்றுமதியை (Defence Exports) ஊக்குவிக்கும் ஒரு முக்கிய நகர்வாக எதிர்பார்க்கப்படுகிறது.
பின்லாந்து (Finland):
பின்லாந்து பிரதமர் பெட்டரி ஓர்போ
உடனான பேச்சில், சுத்தமான எரிசக்தி மற்றும் கழிவுமேலாண்மை
தொழில்நுட்பங்களைப் பகிர்ந்துகொள்ள ஒப்பந்தங்கள் கையெழுத்தாகின.இந்த கையெழுத்தின் மிக முக்கிய நோக்கமான பெட்ரோல், டீசல் போன்ற படிம எரிபொருட்களுக்கு மாற்றாக, தண்ணீரிலிருந்து பிரிக்கப்படும் ஹைட்ரஜனை எரிபொருளாகப் பயன்படுத்துவது குறித்து விவாதிக்கப்பட்டது.இந்தியா தனது பரந்த நிலப்பரப்பு மற்றும் சூரிய ஒளி மூலம் குறைந்த விலையில் பசுமை ஹைட்ரஜனை உற்பத்தி செய்து ஐரோப்பாவிற்கு ஏற்றுமதி செய்ய
உறுதி அளித்துள்ளது.மேலும் நகரங்களில் சேரக்கூடிய குப்பைகளை எரிப்பதன் மூலம் மின்சாரம் தயாரிக்கும் ஆலைகளை அமைப்பது குறித்து விவாதிக்கப்பட்டது.இந்த ஒப்பந்தம் தூய்மை இந்தியா திட்டத்தில் ஒரு புதிய மைல்கல்லாக பார்க்கப்படுகிறது.
2. இந்தியா - பிரான்ஸ்: பாதுகாப்புத் துறையில் ஒரு மைல்கல்:
மும்பையில் நடந்த சந்திப்பில், பிரான்ஸ் அதிபர் இம்மானுவேல் மேக்ரோன்
மற்றும் பிரதமர் மோடி இணைந்து
"இந்தியா-பிரான்ஸ் கடல்சார் பாதுகாப்பு ஒத்துழைப்பு 2030"
திட்டத்தை முன்னெடுத்தனர்.
ரஃபேல் எம் (Rafale-M):
மேலும் இந்தியா பிரான்சிடமிருந்து
வாங்கப்படவுள்ள ரஃபேல் போர் விமானங்களின் விநியோக அட்டவணை மற்றும் தொழில்நுட்பப் பரிமாற்றம் (Technology Transfer) இதில் உறுதி செய்யப்பட்டது.
அணுசக்தி:
மகாராஷ்டிராவின் ரத்னகிரி மாவட்டத்தில் உள்ள ஜெய்தாப்பூர் என்ற இடத்தில் 9,900 மெகாவாட் (MW) திறன் கொண்ட உலகின் மிகப்பெரிய அணுமின் நிலையத்தை அமைக்க ஒப்பந்தம் கையெழுத்தானது.
இதில் பிரான்ஸ் நாட்டின் EDF (Electricite de France) நிறுவனத்திலிருந்து 6 அதிநவீன EPR (Evolutionary Pressurized Reactors) அணு உலைகளை அமைக்க தொழில்நுட்ப உதவி வழங்க ஒப்புதல் அளிக்கப்பட்டது.இந்த ஒப்பந்தத்தின்படி, அணு உலைக்குத் தேவையான அனைத்துப் பாகங்களையும் பிரான்ஸிலிருந்து இறக்குமதி செய்யாமல், பெரும்பாலான பாகங்களை இந்தியாவிலேயே தயாரிப்பதற்கான தொழில்நுட்பப் பகிர்வு (Technology Transfer) உறுதி செய்யப்பட்டுள்ளது. இது இந்தியாவின் அணுசக்தித் துறையில் உள்நாட்டு உற்பத்தியை (Local Manufacturing) ஊக்குவிக்கும்.
. 'குளோபல் சவுத்' (Global South) மற்றும் ஆப்பிரிக்க நாடுகளுடனான உறவு:
உலக அரசியலில் இந்தியா தன்னை வளரும் நாடுகளின் குரலாக (Voice of Global South) நிலைநிறுத்திக் கொண்டுள்ளது.வளர்ந்த நாடுகள் (அமெரிக்கா, ஐரோப்பா) எடுக்கும் முடிவுகள் பெரும்பாலும் வளரும் நாடுகளைப் பாதிக்கும் வகையில் இருக்கும். இந்தியா, இந்த வளரும் நாடுகளின் (ஆப்பிரிக்கா, ஆசியா, லத்தீன் அமெரிக்கா) தேவைகளை உலக அரங்கில் உரக்கச் சொல்லும் ஒரு தலைவராகத் தன்னை முன்னிறுத்துகிறது.கடன் சுமையில் சிக்கியுள்ள சிறிய நாடுகளுக்கு சர்வதேச அமைப்புகள் (IMF, World Bank) மூலம் சலுகைகளைப் பெற்றுத் தருவதில் இந்தியா முன்னின்று செயல்படுகிறது.அந்த வகையில்
ஆப்பிரிக்க ஒன்றியத்தின் (African Union) தலைவர்களுடன் பிரதமர் நடத்திய சந்திப்பில், இந்தியாவின் டிஜிட்டல் பொது உள்கட்டமைப்பு (DPI) முறைகளை ஆப்பிரிக்க நாடுகளில் செயல்படுத்துவது குறித்துப் விவாதிக்கப்பட்டது.மேலும் மருந்துப் பொருட்கள் (Pharmaceuticals) மற்றும் உணவுப் பாதுகாப்புத் துறையில் இந்தியா -ஆப்பிரிக்க நாடுகளுக்குத் தொடர்ந்து ஆதரவு வழங்கும் என பிரதமர் உறுதியளித்தார்.
மத்திய ஆசிய நாடுகளுடனான எரிசக்தி வியூகம்:
எரிசக்தி தேவையைப் பூர்த்தி செய்ய மத்திய ஆசிய நாடுகளுடனான உறவை பிரதமர் மோடி பலப்படுத்தியுள்ளார். குறிப்பாக, இயற்கை எரிவாயு மற்றும் கச்சா எண்ணெய் விநியோகத்தில் தடையற்ற வணிகத்தை உறுதி செய்ய 'சர்வதேச வடக்கு-தெற்கு போக்குவரத்து தாழ்வாரம்' (INSTC) திட்டத்தை விரைவுபடுத்த அவர் அழைப்பு விடுத்தார்.இந்த ராஜதந்திர வெற்றிகளுக்கு நடுவே, இந்தியா சில சவால்களையும் கவனமுடன் கையாள வேண்டியுள்ளது. குறிப்பாக, உலகளாவிய கச்சா எண்ணெய் விலை ஏற்ற இறக்கங்கள் மற்றும் ஐரோப்பிய நாடுகளுடனான தொழில்நுட்பப் பகிர்வை விரைவுபடுத்துவது போன்ற சவால்கள் உள்ளன. இருப்பினும், 2026-ல் இந்தியா நிர்ணயித்துள்ள ₹40,000 கோடி பாதுகாப்பு ஏற்றுமதி இலக்கு, பாரதம் ஒரு நுகர்வோர் நாடாக இருந்து உற்பத்தியாளராக மாறியுள்ளதை உறுதிப்படுத்துகிறது.
முடிவுரை:
பிரதமர் மோடியின் இந்த உலகளாவிய சந்திப்புகள், இந்தியா தனது பாதுகாப்பை உறுதிப்படுத்துவதோடு மட்டுமல்லாமல் உலகளாவிய விநியோகச் சங்கிலியில் (Global Supply Chain) சீனாவுக்கு மாற்றாக ஒரு நம்பகமான பங்காளியாக உருவெடுத்துள்ளதைக் காட்டுகிறது.
2026-ல் ஏற்பட்ட இந்த ராஜதந்திர வெற்றிகள், வரும் தசாப்தத்தில் இந்தியாவின் பொருளாதார வளர்ச்சியை (GDP) இரட்டை இலக்கத்திற்கு கொண்டு செல்ல உதவும் என்பதில் சந்தேகமில்லை!
வாசகர் களம்;
இந்தியாவின் இந்த 'வளர்ந்த நாடுகளுடனான பாதுகாப்பு ஒப்பந்தம்' மற்றும் 'வளரும் நாடுகளுக்கான குரல் (Global South)' - இந்த இரண்டில் எது இந்தியாவின் சர்வதேச பிம்பத்திற்கு அதிக வலு சேர்க்கிறது என்று நீங்கள் கருதுகிறீர்கள்?
கருத்துகள்
கருத்துரையிடுக